«Патшалӑх тата муниципалитет пулӑшӑвне кӳрекен нумай ӗҫ тӑвакан центр» автономи учрежденине Марина Романова ертсе пыма тытӑннӑ. Кун ҫинчен калакан йышӑнӑва ӗнер, пуш уйӑхӗн 10-мӗшӗнче, республикӑн Министрсен Кабинечӗн Председателӗн тивӗҫне вӑхӑтлӑх пурнӑҫлакан Сергей Артамонов алӑ пуснӑ.
Асӑннӑ учреждени республикӑн Экономика аталанӑвӗн тата пурлӑх хутшӑнӑвӗсен министерствине пӑхӑнать.
ЧР Элтеперӗн пресс-секретарьне Борис Краснова должноҫрен кӑларни пирки унччен пӗлтернӗччӗ. Вӑл халӗ мӗн ӗҫлесе пурӑнать? Кун пирки халӑх тӗтелӗнче пӗлтернӗ вӑл.
Борис Краснов И.Я. Яковлев ячӗллӗ Чӑваш патшалӑх педагогика университетӗнче студентсене антикризис пиарӗ енӗпе вӗрентет. Вӑл хӑй те унта ют чӗлхесен факультетӗнче ӑс пухнӑ. Халӗ филологи, истори, управлени тата право факультетӗнче студентсене вӗрентет.
Сӑмах май, Борис Краснов Элтепер пресс-секретарӗнче 2021 ҫулхи ҫу уйӑхӗнченпе кӑҫалхи кӑрлаччен ӗҫленӗ.
Дмитрий Моисеева Чӑваш Енӗн патшалӑхӑн ветеринари службин ертӳҫин ҫумӗнчен хӑтарнӑ.
Дмитрий Иванович аслӑ пӗлӗве Чӑваш патшалӑх ял хуҫалӑх академийӗнче (халӗ аграри университечӗ ушутланать) илнӗ. Унта вӑл бухгалтер учечӗ, анализ тата аудит енӗпе специалиста вӗренсе тухнӑ.
Чӑваш патшалӑх академи драма театрӗ режиссёра пулӑшакан ӗҫе илессине пӗлтерет.
Режиссёр ассистенчӗн йӗркелу ӗҫӗпе аппаланмалла, унӑн опыт пулмасан та тем мар. Анчах ҫав ҫыннӑн ӗҫе йӗркелеме пӗлмелле, пултарулӑх коллективӗпе пӗр чӗлхе тупма ӑста пулмалла, тимлӗх кирлӗ.
Ассистентӑн репетици планне йӗркелеме хутшӑнмалла, расписанире пулса иртекен улшӑнусене сӑнасах тӑмалла, репетицисене сиктермелле мар, спектакльсемпе концертсем лартнӑ чух яваплӑ пулмалла, тӗп режиссёр хушнине пурнӑҫламалла.
ЧР Элтеперӗн ҫамрӑксен политики енӗпе ӗҫлекен управленине халӗ урӑх ҫын ертсе пырать. Вӑл – Кирилл Лукин.
Унччен ку вырӑнта Иван Филиппов пулнӑ. Вӑл ятарлӑ ҫар операцине тухса кайнӑ, «Каскад» ГРОМ» пилотсӑр авиаци бригадинче ҫар тивӗҫне пурнӑҫлать. Кирилл унӑн ҫумӗ пулнӑ. Вӑл ку дожноҫе пӗлтӗр ҫу уйӑхӗнче ӗҫлеме килнӗ.
Кирилл Лукин «Сывӑ наци» общество организацийӗн председателӗ те пулнӑ.
ЧР ял хуҫалӑх министрӗн ҫумне Ольга Егоровӑна ӗҫрен кӑларнӑ. Хушӑва ЧР Элтеперӗ Олег Николаев алӑ пуснӑ.
Министр ҫумне ӗҫен мӗншӗн кӑларнине уҫӑмлатман.
Палӑртса хӑварар: Ольга Егоровӑна министр ҫумне 2023 ҫулхи нарӑс уйӑхӗнче ҫирӗплетнӗ.____
Чӑваш Енӗн тава тивӗҫлӗ вӑрманҫи Геннадий Хураськин вӑрман хуҫалӑхӗнче ӗҫлеме пуҫланӑранпа 40 ҫул та иртсе кайнӑ. Ӗсе вӑл Пӑрачкав тӑрӑхӗнчи вӑрман хуҫалӑхӗнче пуҫланӑ. Юлашки ҫулсенче вӑл Йӗпреҫри пушарпа хими станцийӗн пуҫлӑхӗнче тӑрӑшать. Вӑл ҫине тӑнипе атвопарка ҫӗнетнӗ, ҫӗнӗ оборудовани туяннӑ.
«Вӑрман — пирӗн иксӗлми пуянлӑх. Ӑна упарса хӑварассипе эпӗ те тӑрӑшнишӗн чунтан савӑнатӑп», — тет вӑл.
ЧР Элтеперӗн пресс-секретарьне Борис Краснова ӗҫрен кӑларни пирки унччен пӗлтернӗччӗ. Халӗ ку вырӑна ҫын шыраҫҫӗ.
Ваканси пирки «Раҫҫейри ӗҫ» федераци порталӗнче вырнаҫтарнӑ. Сӑмах май, 2021 ҫулта Элтепер валли HeadHunter рекрутер урлӑ шыранӑ. Чӑваш Ен Элтеперӗн пресс-секретарӗ вырӑнне килекен ҫынна 127-142 пин тенкӗ шалу шантарнӑ.
Ҫак вырӑна юриспруденци, филологи, истори, ют чӗлхесен, журналистика енӗпе аслӑ пӗлӳ илнӗ ҫынна шыраҫҫӗ. Граждан службинче е специальноҫпе ӗҫлесе 4 ҫултан сахал мар стаж пулмалла.
ЧР сывлӑх сыхлавӗн министрӗн пӗрремӗш ҫумне Владимир Гладнева ӗҫрен кӑларнӑ. Хушӑва ЧР Элтеперӗ Олег Николаев алӑ пуснӑ.
Владимир Гладнев Мари Элтен килнӗ, вӑл унта Росздравнадзорӑн упарвленине ертсе пынӑ. Сывӑх сыхлавӗн министрӗн пӗрремӗш ҫумне ӑна 2022 ҫулхи утӑ уйӑхӗн 20-мӗшӗнче лартнӑ.
Халӗ вара Владимир Степанов министрӑн икӗ ҫум кӑна юлнӑ: Резеда Хуснетдинова тата Олеся Игнатьева.
Ҫак кунсенче республикӑри тата тепӗр пуҫлӑха ӗҫрен кӑларнӑ. Маларах эпир Чӑваш Енӗн строительство экспертизин тата хаксене йӗркелекен центрӗн директорне Ольга Ахмеевӑна ӗҫрен кӑларнине пӗлтернӗччӗ.
Халӗ вара Республикӑн Пӗрлехи заказчикӗн службин директорне Олег Белова ӗҫрен кӑларма йышӑннӑ. Асӑннӑ организаци республикан Стройминне пӑхӑнса тӑрать.
+0.3 °C